GUNGI BEHRI AUR ANDHI HOTI INSANIYAT

vande matram

• 15 Posts
• 188 Comments

Such aisa he lagta hai ki aaj insaniyat dum tod chuki hai. Samachar padha ki kis tarah amritsar mai udham singh nagar ki kuldeep kaur ko usi ke mahholle waalo ke samne uske pati ne berehmi se maar dala. Wo madad ke liy chhillati rahi par log is sabko dekhte rhe par kisi ne aage aakar kuldeep kaur ko bachane ki himmat nahi Dikhai. Agar logo ki insaniyat kuch jaag gai hoti to aaj kuldeep kaur jivit hoti. Logo ne ise ek tmashe se jada kuch nahi samjha apni poori jaan lagadi ise dekhne mai dhakka mukki ki chato par chadhe kitni koshish ki kuldeep ko marte hue dekhne ke liy agar ye koshis use bchane ke liy karte to aaj wo buch jati par sub kuch dekhne ke baawjood andhe bane rahe. Kuldeep kaur ka pati use maar kar ghar ko band karke unhi logo ke beech se aaram se nikal gya par kisi ne use rokne aur pakadne ki koshish nhi ki. Kyo log sub kuch apni aankho ke samne hota hua dekh kr bhi use rokne ke bjaay uska pura aanand lena chahte hain. Marte huy logo ko dekhte hain par fir bhi andhe ban jate hai. Bachane ke liy di gai cheekho ko sunkar bhi BEHRE ban jaate hai. Aur aage badkar iske virodh mai bolkar rok sakte hai par jaanboojhkar goonge ban jaate . Insaan aaj apne mai itna kho gya hai ki uske liy doosre insaan ki koi ehmiyat nhi rhi na he doosre insaan se koi matlab. Kabhi aise logo ki kami nhi thi is desh mai jo apne samaaj apne desh ke logo ke liy praano ki aahooti de dete the. Lekin aaj usi desh mai insaaniyat dum tod rahi hai . Isiliy ye kehna bhi galat nahi hoga ki insaaniyat BEHRI GOONGI AUR ANDHI Hoti ja rhi hai. Zroorat hai inhe kholne ki taki kuldeep kaur ya aise aur log hmare goonge behre aur andhe bane rehne ke karan hmaare he sammne maar nahi diy jaay. VANDE MATRAM.